Hörmətli İCOM üzvləri,
 
Odlar yurdu Azərbaycan zəngin mədəni irsə, qədim tarixə və müasir inkişaf sisteminə malik olan ölkədir. Azərbaycanın mədəni irsi ötən illərdə tikilən yeni muzeylərdə hərtərəfli nümayiş olunur. Zamanın tələblərinə uyğun olaraq, memarlıq abidələrində yerləşən və bərpa olunmuş muzeylər ekspozisiyalarını multimediyanın yaratdığı imkanlar və texniki innovasiyaları istifadə etməklə təqdim etmək məqsədini güdür.
Bu günün muzeyləri yalnız qədim əşyaların qorunduğu məkan deyil, muzeylər həmçinin müxtəlif  yaş və sosial qruplardan olan insanlar üçün qarşılıqlı ünsiyyət və asudə vaxtını maraqlı keçirmək üçün mədəniyyət və tədris mərkəzidir. İCOM Azərbaycan Milli Komitəsi 1993-cü ildə yaranmışdır. O, Bakı şəhərində yerləşən 43 muzeyi və Azərbaycanın digər şəhərlərində yerləşən muzeyləri özündə birləşdirir. Hər il bizim komitəmizə yeni ideyalar və layihələr təqdim edən həm individual, həm də bir çox qurumlardan üzvlər qoşulur. Bizim əsas məqsədimiz daim muzey mütəxəssisləri ilə əlaqədə olmaqdır; onlara dəstək vermək; muzeylər və digər qurumlar arasında yaxşı münasibət saxlamaq; konfrans və seminarlar təşkil etmək; muzeylərimizin heyətlərinin təcrübə mübadiləsi məqsədi ilə yüksək bacarıqlı mütəxəssisləri dəvət etmək.
Azərbaycanın mədəni həyatının dinamikası son illərdə çox dərin təsir bağışlayır. Biz inanırıq ki, İCOM gənc peşəkarlara muzey aləmində uğurlu karyeraya sahib olmağa kömək edəcək güclü vasitə olacaq, Azərbaycan muzeylərinə yeni stimul verəcək və beynəlxalq muzey ictimaiyyəti ilə məhsuldar inteqrasiyanı inkişaf etdirəcək.
 
 
Şirin Y. Məlikova
 
ICOM Azərbaycan Milli Komitəsinin sədri,
Azərbaycan Milli Xalça Muzeyinin direktoru,
Sənətşünaslıq üzrə fəlsəfə doktoru,
Azərbaycan Dövlət Rəssamlıq Akademiyasının “İncəsənət tarixi” kafedrasının dosenti
E-mail: icom.azerbaijan.secretariat@gmail.com

​