Azərbaycan Milli Xalça Muzeyində keçirilən “Muzeylər, tekstil kolleksiyaları və qarşılıqlı əməkdaşlıq perspektivləri” adlı beynəlxalq konfransın ikigünlük akademik sessiyası uğurla başa çatıb. 
Sessiyalarda Azərbaycan, Türkiyə, Böyük Britaniya, Almaniya, Rusiya, İtaliya, Gürcüstan, Serbiya, Qırğızıstan, Qazaxıstan, Özbəkistan və Tailanddan olan 39 mütəxəssisin məruzələri dinlənilib. Onların rəqəmsal dünyada tekstil muzeyləri, tekstil kolleksiyalarında innovativ iş üsulları, layihə menecmenti, kuratorluqu işi və təqdimatların keçirilməsi, tekstil muzeylərində konservasiyanın özəllikləri, ziyarətçilərlə iş mövzularında çıxışları xüsusi maraq doğurub.