Bu gün Əməkdar incəsənət xadimi, Azərbaycan Milli İncəsənət Muzeyinin direktoru, tanınmış rəssam Çingiz Fərzəliyevin 80 illik yubileyidir.
Azərbaycanın mədəni həyatında, təsviri sənətinin inkişafında önəmli rolu olan böyük sənətkar Çingiz Fərzəliyev xarici ölkə akademiyalarının fəxri professoru və akademikidir. O, Böyük Britaniyanın Kembric Universitetinin "İncəsənətdə görkəmli şəxsiyyət" mükafatı, Avstriyanın "Böyük Şərəf Ordeni", Gürcüstanın "Şəfəq" Prezident Ordeni, Rusiya Rəssamlıq Akademiyasının Qızıl medalı, Fransanın "İncəsənət və Ədəbiyyat" ordeni, Türkiyənin “Atatürk Beynəlxalq mükafatı" və "Beynəlxalq Qızıl ulduz" medalı, Almaniyanın "Leonard Eyler medalı", Özbəkistan Bədii Akademiyasının gümüş medalı ilə təltif edilib.
Görkəmli rəssam Azərbaycan təsviri sənətinin inkişafında və təbliğində böyük xidmətlərinə görə Azərbaycan Respublikası Prezidenti İlham Əliyevin 21 noyabr 2018-ci il tarixli sərəncamı ilə "Şöhrət", 18 noyabr 2023-cü il tarixli sərəncamına əsasən isə “Şərəf” ordeni ilə təltif edilib.
Hörmətli Çingiz müəllimi yubileyi və yüksək mükafata layiq görülməyi münasibətilə səmimi-qəlbdən təbrik edir, uzun, sağlam ömür, səadət, firavan həyat, daha böyük yaradıcılıq uğurları arzulayırıq!